Pas më shumë se një ore, ka përfunduar takimi mes presidentit serb, Aleksandër Vuçiq me të dërguarin e BE-së për dialogun Kosovë-Serbi, Miroslav Lajçak

Pas takimit, Vuçiq deklaroi se takimi ka qenë konstruktiv, teksa Lajçakut i ka përcjell nevojën për formimin e Asociacionit dhe ka thënë se zgjedhjet në veri të Kosovës janë urgjente, transmeton Arbresh.info.

RTS shkruan se Vuçiq ka kërkuar mbështetje nga BE për ndalimin sipas tij, të provokimeve të Prishtinës.

“E theksova domosdoshmërinë e formimit të Unionit të Komunave Serbe, mbajtjen më urgjente të zgjedhjeve lokale në veri të Kosovës dhe Metohisë dhe kërkova mbështetjen e BE-së për ndalimin e provokimeve të mëtejshme që vijnë nga Prishtina. E ritheksova gatishmërinë e Republikës së Serbia të përmbushë detyrimet e saj, në përputhje me marrëveshjet juridike ndërkombëtare në respekt të Kushtetutës së Republikës së Serbisë dhe Kartës së OKB-së”, ka shkruar Vuçiq në Instagram./Arbresh.info